Can't connect right now! retry

دلچسپ و عجیب
12 جون ، 2018

دبئی میں نجی کمپنی نے ہوم چیک ان سروس متعارف کرا دی

دبئی کی ایک نجی کمپنی نے مسافروں کو گھر اور ہوٹل سے چیک ان سروس کی سہولت متعارف کرا دی ہے۔

اس سہولت کے ذریعے دبئی ایئرپورٹ سے سفر کرنے والے مسافر اپنے گھر اور ہوٹل پر ہی چیک ان کی سہولت حاصل کر سکیں گے اور انہیں وہیں بورڈنگ پاس بھی دے دیا جائے گا۔

دناتا کی جانب سے ڈبز نامی بیگیج ٹیکنالوجی اینڈ لاجسٹک کمپنی کے ذریعے یہ سہولت متعارف کرائی گئی ہے۔

ڈبز کی جانب سے 2016 میں پہلی بار دبئی سے سفر کرنے والے مسافروں کے لیے یہ سروس متعارف کرائی گئی تھی یعنی مسافروں کی فلائٹ سے قبل ان کا سامان ان کے گھروں یا ہوٹل سے وصول کیا جاتا اور پرواز کی آمد کے بعد مسافروں کا سامان ان کے گھر یا ہوٹل تک پہنچایا جاتا۔

24 گھنٹے دستیاب رہنے والی سروس کو آن لائن www.dubz.com سے بک کیا جا سکتا ہے۔

ڈویژنل سینئر نائب صدر یو اے ای ایئرپورٹ آپریشنز دناتا اسٹیو ایلن کا کہنا ہے کہ ہماری کوشش ہوتی ہے مسافروں کے تجربات کے ذریعے سے دناتا کی سروس میں بہتری پیدا کی جائے۔

ان کا کہنا تھا کہ ڈبز نت نئے تجربات کے ذریعے مسافروں کی سہولت کے لیے انہیں گھروں اور ہوٹلوں پر چیک ان کی سہولت فراہم کر رہی ہے جس سے نا صرف اُن کا وقت بچے گا بلکہ انہیں ذہنی تسکین بھی ملے گی۔

انہوں نے کہا کہ دبئی میں کامیابی کے بعد ہم دناتا کی سروس کو دنیا بھر میں پھیلانے کے لیے پرامید ہیں۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM