23 جون ، 2018 
پاکستان
حکومت پاکستان نے تاج ملتانی کی فنی خدمات پرپرائیڈ آف پرفارمنس بھی دیا—فائل فوٹو۔
نغمہ ’جاگ رہا ہے پاکستان‘ گانے والے تاج ملتانی انتقال کرگئے
23 جون ، 2018
کراچی: 65ء کی جنگ میں لازوال ملی نغمے ’جاگ رہا ہے پاکستان‘ سے شہرت حاصل کرنے والے معروف گلوکار تاج ملتانی کراچی میں انتقال کر گئے۔
معروف گلوکار بون کینسر کے مرض میں مبتلا تھے اور کراچی کے مقامی اسپتال میں زیر علاج تھے، ان کی عمر 74 سال تھی۔
تاج ملتانی نے کئی فلموں میں پلے بیک سنگر کے طور پر اپنی آواز کا جادو جگایا جبکہ 65 کی جنگ میں مشہور ملی نغمے ’جاگ رہا ہے پاکستان‘ سے شہرت حاصل کی۔
حکومت پاکستان نے ان کی فنی خدمات پرپرائیڈ آف پرفارمنس سے بھی نوازا۔
گلوکار تاج ملتانی کی نماز جنازہ گلشن بلاک سی صدیقی اکبر مسجد کراچی میں آج بعد نماز عصر اداکی جائے گی۔
