پاکستان
04 فروری ، 2012
04 فروری ، 2012 
توہین عدالت کا قانون آسمان سے نہیں اترا، جسٹس عظمت سعید
04 فروری ، 2012
لاہور … چیف جسٹس لاہور ہائیکورٹ جسٹس شیخ عظمت سعید نے کہاہے کہ توہین عدالت کا قانون کوئی آسما ن سے نہیں اترا، جن عدالتوں کے دروازے سب کیلئے کھلے ہوں وہاں انصاف ہوتاہے جبکہ بند کمروں میں کوڑے مارے جاتے ہیں۔ جوڈیشل اکیڈمی لاہورمیں سیمینار سے خطاب کرتے ہوئے چیف جسٹس لاہور ہائیکورٹ جسٹس شیخ عظمت سعید نے کہاکہ ہر قانون کے پیچھے ایسا مقصد ہونا چاہئے جس پر عوام کی اکثریت متفق ہو۔ انہوں نے کہا کہ توہین عدالت کے قانون کا مقصد صرف یہ ہوتاہے کہ انصاف کی راہ میں رکاوٹ پیدا نہ ہو۔ ان کاکہناتھاکہ اوپن کورٹ کے فیصلوں میں انصاف ہوتا ہے اور بند کمروں کی عدالتوں میں کوڑے مارے جاتے ہیں۔
