27 ستمبر ، 2018 
وزیراعلیٰ پنجاب کی رشتہ دار کا سروسز اسپتال کے وی وی آئی پی روم میں مفت علاج
27 ستمبر ، 2018
وزیراعلیٰ پنجاب عثمان بزدار کی قریبی عزیزہ کا لاہور کے سروسز اسپتال کے وی وی آئی پی روم میں مفت علاج معالجہ جاری ہے ۔
ذراءع کا بتانا ہے کہ وزیراعلیٰ پنجاب کی قریبی عزیزہ اسماء کو چوبیس ستمبر کو سروسز اسپتال لاہور لایا گیا اور ان کا اپنڈکس کا آپریشن کیا گیا جس کے بعد سے وہ سروسز اسپتال کے وی وی آئی پی کمرہ نمبر ایک میں زیر علاج ہیں۔
خیال رہے کہ یہ وہی کمرہ ہے جہاں کچھ عرصہ قبل سابق وفاقی منصوبہ بندی وزیراحسن اقبال بھی زیر علاج رہ چکے ہیں۔
ذراءع کا بتانا ہے کہ وزیراعلیٰ پنجاب کی قریبی اہلیہ کا مفت علاج کیا جا رہا ہے اور وزیراعلیٰ عثمان بزدار نے اسپتال آ کر ان کی عیادت بھی کی۔
پرنسپل سروز انسٹی ٹیوٹ آف میڈیکل سائنسز سرجن محمود ایاز سے جب اس حوالے سے پوچھا گیا تو ان کا کہنا تھا کہ وزیراعلیٰ کی عزیزہ ہمارے ڈاکٹر شعیب بزدار کی بھی رشتے دار ہیں ، انہیں ڈاکٹر کی رشتہ دار ہونے کے ناطے وی وی آئی پی روم میں رکھا گیا ہے۔
اسپتال ذراءع کا کہنا ہے کہ وہ مریضہ کی جانب سے علاج معالجے کے اخراجات کی ادائیگی ہونے یا نہ ہونے کے بارے ابھی کچھ نہیں بتا سکتے۔
