23 ستمبر ، 2019 
کینسر کا انکشاف: پاکستان میں معدے کی دوا پر پابندی عائد
23 ستمبر ، 2019
معدے کے امراض میں استعمال ہونے والی رینٹڈین دوا میں کینسر کا باعث بننے والے اجزا کی موجودگی کا انکشاف ہوا ہے جس کے بعد پاکستان میں ’زینٹک‘ کے استعمال پر پابندی عائد کردی گئی ہے۔
امریکی ادارے ایف ڈی اے کا کہنا ہے کہ Ranitidine نامی دوا میں ممکنہ طور پر کینسر کی وجہ بننے والے کیمیکل پایا گیا ہے ،اس سلسلے میں زین ٹیک اور دیگر اس قسم کی دواؤں میں خطرناک اجزا کی موجودگی سے متعلق تحقیقات کررہے ہیں۔
ایف ڈی اے کا کہنا ہے کہ یہ دوا لینے والے مریض زین ٹیک اور دیگر اس قسم کی دواؤں کا استعمال جا ری رکھ سکتے ہیں اور جولوگ اپنی دوا تبدیل کرنا چاہتے ہیں وہ اپنے ڈاکٹر سے رجوع کریں۔
امریکی ہیلتھ نے مزید کہا کہ معاملے کی تحقیقات کررہے ہیں۔
پاکستان میں پابندی عائد
دوسری جانب ڈرگ ریگولیٹری اتھارٹی آف پاکستان نے (رینیٹی ڈائن) ایچ سی ایل دوا پر عارضی پابندی عائد کردی۔
نوٹی فکیش میں بتایا گیاہےکہ امریکی ادارے ایف ڈی اے کی جانب سے حالیہ تحقیق میں رینیٹی ڈائن میں مضر صحت اجزا سامنے آئے ہیں، ڈریپ کی جانب سے ملک بھرمیں (رینیٹی ڈائن) ایچ سی ایل کے حامل ادویات کی فروخت پر پابندی ہوگی۔
پاکستان میں رینیٹی ڈائن دوا زینٹک کے نام سے فروخت کی جاتی ہے، رینیٹی ڈائن ایچ سی ایل میں نائیٹروسامائین کی آمیزیش سامنےآئی ہے جو کینسر کا سبب بنتاہے۔
