02 نومبر ، 2019 
دنیائے فٹ بال کے اسٹار فٹبالرز ایک بار پھر پاکستان آنے کو تیار
02 نومبر ، 2019
دنیائے فٹ بال کے اسٹار فٹ بالر ایک بار پھر پاکستان آنے کو تیار ہوگئے، لیجنڈ کھلاڑی لاہور اور کراچی میں 2 نمائشی میچ کھیلیں گے۔
پاکستان میں فٹبال کے شائقین کے لیے یہ اچھی خبر ہے کہ ورلڈ سوکر اسٹار کے ستارے ایک بار پھر پاکستان میں جگمگانے کے لیے تیار ہوگئے ہیں۔
فٹ بال کی دنیا کے جن نامور کھلاڑیوں نے پاکستان آکر کھیلنے پر رضامندی ظاہر کی ہے ان میں برازیل کے رکارڈو کاکا، پرتگال کے لوئیس فیگو، اسپین کے کارلوس پیول اور فرانس کے نیکولس انیلکا شامل ہیں۔
پاکستان میں فٹ بال کے فروغ کے لیے ورلڈ سوکر اسٹار کی ٹیم لاہور کے علاوہ کراچی میں بھی میچ کھیلے گی، پہلے یہ ٹیم صرف 10 نومبر کو لاہور میں میچ کھیل رہی تھی لیکن اب یہی ٹیم کراچی میں بھی کھیلنے کی تیار ہوگئی ہے۔
کھلاڑی 9 نومبر کو کراچی پہنچیں گے اور شام ساڑے 7 بجے ایف سی کراچی کے ساتھ راحت اسٹیڈیم ڈی ایچ اے میں ایکشن میں دکھائی دیں گے۔ دوسرا نمائشی میچ 10 نومبر کو لاہور میں کھیلا جائے گا۔
واضح رہے کہ پاکستان میں فٹ بال کے فرو غ کے لیے اس سے قبل رواں سال کے آغاز میں کاکا اور فیگو لاہور اور کراچی میں نمائشی میچز کھیل چکے ہیں۔
مزید خبریں :
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
معروف میکسیکن ریسلر 66 برس کی عمر میں چل بسے
22 دسمبر ، 2024
