05 دسمبر ، 2019
وفاقی وزیر ریلوے شیخ رشید کا کہنا ہے کہ جو نئے الیکشن کا مطالبہ کررہے ہیں وہ الیکشن کمیشن بنانے میں تعاون نہیں کر رہے، پارلیمنٹ کے فیصلے عدالتیں کرنے لگیں تو وہ دن بھی آئے گا کہ عدالتیں ہی پارلیمنٹ کا فیصلہ کریں گی۔
ان کا مزید کہنا تھا کہ جو چیئرمین سینیٹ کے لیے ان ہاؤس تبدیلی نہیں لاسکے وہ وزیر اعظم کے لیے ان ہاؤس تبدیلی کیسے لائیں گے؟
وزیر ریلوے نے کہا کہ شہباز شریف ، نواز شریف کے ساتھ بطور ٹوکن گئے ہیں، میں نواز شریف اور شہباز شریف کی وطن واپسی میں تاخیر دیکھ رہا ہوں۔