09 دسمبر ، 2019 
حجاج کی جمع رقم پر بینکوں سے سود لیے جانے کا انکشاف
09 دسمبر ، 2019
وزراتِ مذہبی امور نے قومی اسمبلی میں وقفہ سوالات میں حجاج کی جمع رقم پر بینکوں سے سود لیے جانے کا انکشاف کیا ہے۔
قومی اسمبلی کے اجلاس میں وقفہ سوالات میں وزرات مذہبی امور نے تحریری جواب میں بتایا ہے کہ حجاج کی رقم پر 2018 میں 21کروڑ روپے اور گزشتہ پانچ سال کے دوران حجاج کی رقم پر ایک ارب 17 کروڑ روپے کا سود حاصل ہوا۔
ایوان کو بتایا گیا کہ قرعہ اندازی کے بعد ناکام دخواست گزاروں کو رقم واپس کر دی جاتی ہے۔
وزرات مذہبی امور کے مطابق گزشتہ برس 3 لاکھ 74 ہزار 857 پاکستانیوں نے حج درخواستیں دیں اور درخواستوں کے ساتھ 106 ارب 41 کروڑ روپے سے زائد رقم اکٹھی ہوئی۔
وزرات مذہبی امور کا کہنا تھاکہ سود کی رقم حجاج کی ویکسین، ٹریننگ، دواؤں اور میڈیا مہم پر خرچ کی جاتی ہے۔
