نیویارک … امریکا کے شہر نیویارک کی ایمپائر اسٹیٹ بلڈنگ کے باہر مسلح شخص کی فائرنگ سے ایک شخص ہلاک اور متعدد افراد زخمی ہوگئے، پولیس کے مطابق حملہ آور کو ہلاک کردیا گیا ہے۔ امریکی میڈیا کے مطابق نیویارک کا کہنا ہے کہ شہر کے مرکزی علاقے مین ہٹن میں واقع ایمپائر اسٹیٹ بلڈنگ کے قریب 34 اسٹریٹ پر نامعلوم شخص نے فائرنگ کردی جس کے نتیجے میں ایک شخص ہلاک اور 9 افراد زخمی ہوگئے۔ امریکی وقت کے مطابق صبح 9 سے ساڑھے 9 بجے کے درمیان ایمپائر اسٹیٹ بلڈنگ کے باہر فائرنگ کی آوازیں سنی گئیں جس کے بعد پولیس اور دیگر سیکیورٹی و امدادی ادارے واقعے کے مقام پر پہنچ گئے۔ پولیس نے فائرنگ سے حملہ آور سمیت 2 افراد کے ہلاک اور 9 کے زخمی ہونے کی تصدیق کی ہے۔ نیویارک پولیس کا کہنا ہے کہ فائرنگ کا واقعہ دہشت گردی نہیں تھا۔ واضح رہے کہ 102 منزلہ اور 1250 فٹ بلند ایمپائر اسٹیٹ بلڈنگ نیویارک کے مرکزی علاقے مین ہٹن میں واقع ہے جس میں بڑی بڑی کمپنیوں کے دفاتر واقع ہیں اور اس ملکی و غیر ملکی سیاح اس عمارت کی سیر کرنے آتے ہیں۔