23 فروری ، 2020 
پاکستان
لینڈنگ کے دوران ایمرجنسی گیٹ کھلنے سے مسافروں کی چیخیں نکل گئیں تاہم کپتان نے جہاز کو باحفاظت اتار لیا — فوٹو: جیو نیوز
دوران لینڈنگ پی آئی اے کی پرواز حادثے سے بال بال بچ گئی
23 فروری ، 2020
سکھر میں لینڈنگ کے دوران پاکستان انٹرنیشنل ائیرلائنز (پی آئی اے) کے جہاز کا ایمرجنسی گیٹ کھل گیا۔
اسلام آباد سے سکھر پہنچنے والی قومی ائیر لائن کے جہاز کی لینڈنگ کے دوران ایمرجنسی گیٹ کھلنے سے مسافروں کی چیخیں نکل گئیں تاہم کوئی جانی نقصان نہیں ہوا اور کپتان نے جہاز کو باحفاظت اتار لیا۔
پی آئی اے کے ترجمان کے مطابق سکھر ائیرپورٹ پر دوران لینڈنگ قومی ائیرلائن کی پرواز کا چھوٹا دروازہ کھلا۔
ترجمان نے بتایا کہ جہاز کا دروازہ اندر کی طرف سے کھولنے پر کھلتا ہے، مسافر کی جانب سے ہینڈل کو پریس کرنے پر دروازہ کھل گیا۔
ترجمان کے مطابق اِس واقعے میں کسی جانی نقصان کی کوئی اطلاع نہیں ملی جبکہ واقعہ کی تحقیقات شروع کردی ہیں۔
