14 جنوری ، 2012 
کراچی سمیت سندھ بھر میں سی این جی اسٹیشنز کھول دئے گئے
14 جنوری ، 2012
کراچی…کراچی سمیت سندھ بھرمیں سی این جی اسٹیشنز 24 گھنٹوں کے بندش کے بعد آج صبح نو بجے کھول دیئے گئے۔ سوئی سدرن گیس کمپنی کی جانب سے جاری اعلامیے کے مطابق سندھ بھر میں سی این جی اسٹیشنز گذشتہ روز سے آج صبح 9 بجے تک کے لئے بند کر دیئے گئے تھے جس کے باعث ٹرانسپورٹ میں کمی واقع ہوئی اور خاص طور سے رکشہ ڈرائیوروں کو شدید پریشانی کا سامنا کرنا پڑا۔ آج صبح سی این جی اسٹیشنز کھلنے سے پہلے بڑی تعداد میں عوام قطاروں میں گیس بھروانے کے لئے انتظار کرتے نظر آئے جس کی وجہ سے دفاتر پہنچنے والوں کو بھی تاخیر کا سامنا کرنا پڑا۔واضح رہے کہ گذشتہ ہفتے سوئی سدرن گیس کمپنی کی جانب سے گیس لوڈ مینجمنٹ پروگرام کے تحت منگل سے جمعہ تک ، رات کی اوقات میں سی این جی اسٹشینز بند رکھنے کا فیصلہ کیا گیا تھا، جس پر عمل درآمد بلوچستان میں پائپ لائن پھٹنے کے باعث نہ کیا جاسکا تھا، اور سی این جی صرف 15 گھنٹے کے لیئے بند کی گئی تھی۔
مزید خبریں :
ملک میں فی تولہ سونا ہزاروں روپے سستا ہوگیا
14 نومبر ، 2024
سعودیہ سے 3 کھرب 33 ارب کی تیل سہولت پر آئی ایم ایف کے خدشات
14 نومبر ، 2024
روپے کے مقابلے میں امریکی ڈالر سستا ہوگیا
13 نومبر ، 2024
ملک میں سونا مہنگا، فی تولہ قیمت کیا ہے؟
13 نومبر ، 2024
پیٹرولیم مصنوعات کی قیمتوں میں اضافے کا امکان
13 نومبر ، 2024
