سراج الحق کی سپریم کورٹ سے براڈ شیٹ کیس پر ازخود نوٹس لینے کی اپیل
16 جنوری ، 2021
جماعت اسلامی کے امیر سینیٹر سراج الحق نے سپریم کورٹ سے براڈ شیٹ کیس پر ازخود نوٹس لینے کی اپیل کر دی۔
سراج الحق نے منصورہ میں پہلے تربیتی سیشن سے پشتو زبان میں خطاب کیا جس کے بعد میڈیا سے گفتگو میں وہ حکومت پر پھٹ پڑے۔
ان کا کہنا تھا کہ براڈ شیٹ کیس پر عوام کو بتایاجائے یہ کیا ہے؟ براڈ شیٹ پر پی ڈی ایم اور حکومت کامیاب لیکن 22 کروڑ عوام ناکام ہوگئے۔
سراج الحق نے پی آئی اے کو بدنام کرنے کی ذمہ داری حکومت پر ڈال دی اور کہا کہ ملائیشیا میں پی آئی اے جہاز کا پکڑا جانا خارجہ پالیسی کی ناکامی ہے، ڈر کے مارے اب لوگ پی آئی اے کے جہاز میں نہیں بیٹھتے کہ کہیں انہیں اتار ہی نہ لیاجائے۔
مہنگائی پر امیر جماعت اسلامی کا کہناتھاکہ آٹا، چینی اور پیٹرول کی قیمتیں بڑھانے والے اداروں پر حکومت کا کنٹرول ختم ہوچکا، وزیراعظم خوشحالی کی تعریف کریں کہ خوشحالی کس کو کہتے ہیں؟
ان کاکہناتھاکہ غریب آدمی 40 اقسام کے ٹیکسز دیتا ہے، پاکستان، دنیا میں تماشا بن گیا ہے۔
