18 مارچ ، 2021 
پاکستان
مقامی حکومتوں کے قیام سے عوام کے مسائل جلد حل ہوں گے،وزیر اعظم،فوٹو: فائل
وزیراعظم کی پنجاب اور کے پی میں بلدیاتی انتخابات جلد کرانے کی ہدایت
18 مارچ ، 2021
وزیر اعظم عمران خان نے پنجاب اور خیبر پختونخوا( کے پی) میں بلدیاتی انتخابات جلد کرانے کی ہدایت کردی۔
وزیر اعظم عمران خان سے اسلام آباد میں آج حکومتی رہنماؤں نے ملاقات کی جس میں وزیر اعظم نے پنجاب اور کے پی میں بلدیاتی انتخابات جلد کرانے کی ہدایت کردی۔
ذرائع کے مطابق وزیراعظم سے ملاقات میں وزیر دفاع پرویز خٹک نےکہا کہ موجودہ ماحول میں بلدیاتی انتخاب نہ کروائے جائیں، جس پر وزیر اعظم نے کہا کہ بلدیاتی حکومتیں عوام کی ضرورت ہیں ہر صورت انتخابات کروائے جائیں۔
وزیر اعظم عمران خان کا کہنا تھا کہ مقامی حکومتوں کے قیام سے عوام کے مسائل جلد حل ہوں گے۔
