09 اپریل ، 2021 
پاکستان
وفاقی کابینہ نے سرکولیشن کے ذریعے آرڈیننس کی منظوری دی، ذرائع— فوٹو:فائل
انتخاب کے 60 روز میں حلف نہ اٹھانے والے نااہل قرار پائیں گے، آرڈیننس منظور
09 اپریل ، 2021
وفاقی کابینہ نے الیکشن ایکٹ 2017 میں ترامیم کا آرڈیننس منظور کر لیا۔
ذرائع کے مطابق وفاقی کابینہ نے سرکولیشن کے ذریعے آرڈیننس کی منظوری دی جس کے کے تحت انتخاب کے 60 روز میں حلف نہ اٹھانے والے نااہل قرار پائیں گے۔
ذرائع نے بتایا کہ آرڈیننس کے تحت الیکشن کمیشن ایسی نشست کے خالی ہونے کا نوٹیفکیشن جاری کرے گا۔
صدر مملکت کے دستخط کے بعد آرڈیننس کا اطلاق ہو گا جبکہ آرڈیننس کا اطلاق قومی و صوبائی اسمبلیوں، سینیٹ اور بلدیاتی اداروں پر ہو گا۔
اسحاق ڈار نے سینیٹ اور چوہدری نثار نے پنجاب اسمبلی میں اپنی رکنیت کا تاحال حلف نہیں اٹھایا۔
