05 جون ، 2021
بھارتی ریاست مہاراشٹرا کے شہر تھانے کی پولیس نے جسم فروشی کے دھندے میں ملوث بالی وڈ کی 2 اداکاراؤں کو رنگے ہاتھوں گرفتار کرلیا۔
بھارتی میڈیا رپورٹس کے مطابق ممبئی سے ملحقہ شہر تھانے کی پولیس نے خفیہ اطلاع پر ایک نجی ہاؤسنگ سوسائٹی کے گھر پر چھاپہ مارا جہاں جسم فروشی میں ملوث دو خواتین سمیت 5 افراد کو گرفتار کرلیا۔
رپورٹس میں بتایا گیا ہے کہ دونوں خواتین بالی وڈ کی فلموں میں کام کرچکی ہیں جبکہ ان میں سے ایک بھارت کی جنوبی فلم انڈسٹری میں بھی کام کرچکی ہیں۔
رپورٹس کے مطابق اداکاراؤں نے کورونا کے باعث کام نہ ہونے پر جسم فروشی کا پیشہ اختیار کیا۔
پولیس کے مطابق اداکاراؤں کو جسم فروشی کے بدلے بھاری معاوضے کی پیشکش پر لایا گیا تھا جبکہ پانچوں افراد کے خلاف مقدمہ درج کرکے تفتیش شروع کردی گئی ہے۔