04 جولائی ، 2021 
پاکستان
شہروں کی حدود میں جانوروں کی خرید و فروخت پر پابندی عائد
04 جولائی ، 2021
انسداد کورونا کے ادارے نیشنل کمانڈ اینڈ آپریشن سینٹر (این سی او سی) نے شہروں میں جانوروں کی خرید و فروخت پر پابندی عائد کردی۔
این سی او سی کے مطابق تمام اکائیوں کو عیدالاضحی کیلئے مفصل ہدایات جاری کردی گئیں اور ان ہدایات کی روشنی میں مویشی منڈیاں شہرسے باہر لگائی جائیں گی۔
این سی او سی کا کہنا ہے کہ مویشی منڈیوں میں کورونا ایس او پیز پر عمل کیا جائے گا جبکہ تمام اسٹاف اور تاجروں کا ویکسین لگوانا لازمی قرار دیا گیا ہے۔
این سی او سی کے مطابق انتظامیہ کو داخلے پرہینڈ سینیٹائزر، ماسک اورریپڈ اینٹی جن ٹیسٹ کی تاکید کی گئی ہے۔
این سی او سی کا کہنا ہے کہ اندرون شہر جانوروں کی خرید و فروخت پر پابندی عائد کی گئی ہے۔
