19 اگست ، 2021
دنیا بھر میں ایسے کئی واقعات رپورٹ ہوتے ہیں جن میں کوئی بھی شخص معجزانہ طور پر موت کے منہ میں جاکر واپس آتا ہے اور ایسا ہی ایک واقعہ بھارتی شہر اندور کے ریلوے اسٹیشن پر پیش آیا۔
بھارتی میڈیا کے ٹوئٹر اکاؤنٹ پر ایک ویڈیو شیئر کی گئی جس میں دیکھا جاسکتا ہے کہ لڑکی چلتی ہوئی ٹرین میں چڑھنے کی کوشش کرتی ہے جس سے اس کا توازن قائم نہیں رہتا جس کی وجہ سے وہ ٹرین میں چڑھنے کے بجائے پٹری پر گر پڑتی ہے۔
ویڈیو میں دیکھا جاسکتا ہےکہ کس طرح لڑکی کے گرنے پر اسٹیشن پر کھڑے مسافروں نے اس کی جان بچائی جب کہ پلیٹ فارم پر رش بھی لگ گیا۔
میڈیا رپورٹس کے مطابق مذکورہ واقعہ رواں ہفتے منگل کے روز پیش آیا۔
سوشل میڈیا پر ویڈیو وائرل ہونے کے بعد مسافروں کو لڑکی کی جان بچانے کیلئے سراہا جارہا ہے۔