27 اگست ، 2021 
ملک کے بیشتر شہروں میں تیز بارش کی پیشگوئی
27 اگست ، 2021
محکمہ موسمیات نے آئندہ 6 روز کے دوران ملک کے بیشتر شہروں میں تیز ہواؤں اور گرج چمک کے ساتھ بارش کی پیشگوئی کی ہے۔
محکمہ موسمیات کے مطابق آج سے اسلام آباد سمیت پنجاب، خیبر پختونخوا، وزیرستان اور گلگت بلتستان میں تیز ہواؤں کے ساتھ بارشیں متوقع ہیں۔
محکمہ موسمیات کا کہنا ہے کہ راولپنڈی،گوجرانوالہ اور لاہور سمیت پنجاب کے بیشتر شہروں میں آج سے شروع ہونے والی بارشوں سے شدید حبس اور گرمی کی شدت کم ہو گی جبکہ پیر اور منگل کے روز تیز بارش متوقع ہے۔
محکمہ موسمیات کے مطابق جمعہ سے بدھ کے دوران ملک کے بالائی اور وسطی علاقوں میں بھی بارشوں کا امکان ہے۔
حکام محکمہ موسمیات کا مزید کہنا ہے کہ گجرات، منڈی بہاؤالدین، گوجرانوالہ، فیصل آباد ، ایبٹ آباد، ہری پور، نوشہرہ، دیر، چترال، پشاور اور کوہاٹ میں بھی بارش کا امکان ہے۔
مزید خبریں :
کوئٹہ: بارودی سرنگ کے دھماکے میں 4 افراد جاں بحق
3 گھنٹے پہلے
لاہور: 3 بچے دریائے راوی میں ڈوب کر جاں بحق
4 گھنٹے پہلے
