18 اکتوبر ، 2021 
پاکستان
پولیو ویکسی نیشن سے مزید بیماری پھیل رہی ہے، درخواست گزار. فوٹو: فائل
پولیو ویکسینیشن کیخلاف درخواست مسترد، عدالت نے جرمانہ بھی عائد کر دیا
18 اکتوبر ، 2021
کراچی: سندھ ہائیکورٹ نے انسداد پولیو مہم کے خلاف درخواست جرمانے کے ساتھ مسترد کر دی۔
پولیو ویکسی نیشن کے خلاف امیر جہاں عرف بسمہ نورین کی جانب سے دائر درخواست پر سماعت سندھ ہائیکورٹ میں ہوئی۔
دوران سماعت درخواست گزار نے مؤقف اختیار کیا کہ پولیو ویکسی نیشن سے مزید بیماری پھیل رہی ہے، جس پر حکومت سندھ کے وکیل نے جواب دیا کہ پوری دنیا میں پولیو ویکسی نیشن ہو رہی ہے۔
سرکاری وکیل کا کہنا تھا کہ پاکستان اور افغانستان کے علاوہ پوری دنیا پولیو فری ہو گئی ہے۔
سندھ ہائیکورٹ نے درخواست 25 ہزار روپے جرمانے کے ساتھ مسترد کر دی۔
