ٹی ٹوئنٹی ورلڈکپ میں پاک بھارت میچ نے نئی تاریخ رقم کردی

آئی سی سی مینز ٹی ٹوئنٹی ورلڈکپ میں 24 اکتوبر  کی شب پاک بھارت ٹاکرا ٹی ٹوئنٹی کا سب سے زیادہ دیکھا جانیوالا مقابلہ بن گیا۔

اسٹار انڈیا کی رپورٹ کے مطابق پاک بھارت میچ 16 کروڑ 70 لاکھ ناظرین نے براہ راست دیکھا۔

رپورٹ کے مطابق یہ اعلان میڈیا کمپنی براڈ کاسٹ آڈینس ریسرچ کونسل (بی اے آر سی) کے جاری کردہ اعداد و شمار کو دیکھتے ہوئے کیا گیا۔

اعداد و شمار کے مطابق اب تک ٹورنامنٹ میں میچز دیکھنے والے ناظرین کی مجموعی تعداد 23 کروڑ 80 لاکھ رہی ہے جس میں سے 16 کروڑ 70 لاکھ ناظرین پاک بھارت میچ سے محظوظ ہوئے۔

 2016 کے ٹی ٹوئنٹی ورلڈکپ میں ویسٹ انڈیز اور بھارت کے مابین کھیلنے جانیوالے سیمی فائنل کو دیکھنے والوں کی تعداد 13 کروڑ 60 لاکھ تھی۔

واضح رہے کہ ٹی ٹوئنٹی ورلڈکپ کے سپر 12 مرحلے میں روایتی حریف پاکستان اور بھارت نے ایک دوسرے کیخلاف پہلا میچ کھیلا تھا جس میں بھارت کو عبرتناک شکست سے دوچار ہونا پڑا تھا۔

تاہم اب پاکستان ورلڈ کپ کے سیمی فائنل کیلئے کوالیفائی کرچکا ہے جب کہ بھارت ٹورنامنٹ سے باہر ہوگیا۔ 

بھارتی ٹیم کیلئے بڑھکیں امیتابھ کو بھاری پڑگئیں، پاکستانی شائقین نے آڑے ہاتھوں لے لیا

ٹی ٹوئنٹی ورلڈکپ میں پاکستان کی بھارت کو شکست اور مسلسل فتوحات کی بناء پر پاکستانی شائقین کرکٹ جوش و خروش میں ہیں

’مما آپ موٹی ہیں‘، بیٹے کی بات سن کر شعیب ملک بے ساختہ ہنس پڑے

شعیب ملک، ثانیہ مرزا اور ان کے بیٹے اذہان کی گفتگو کی ایک دلچسپ ویڈیو سوشل میڈیا پر وائرل ہو رہی ہے۔