23 دسمبر ، 2021 
آرمی چیف کا ایل او سی پر اگلے مورچوں کا دورہ، پاک فوج کے جوانوں سے بات چیت
23 دسمبر ، 2021
آرمی چیف جنرل قمر جاوید باجوہ نے لائن آف کنٹرول (ایل او سی) پر اگلے مورچوں کا دورہ کیا اور کوٹ کوٹیرا سیکٹر میں پاک فوج کے جوانوں سے بات چیت کی۔
اس موقع پر آرمی چیف کو ایل او سی کی تازہ ترین صورتحال اور آپریشنل تیاریوں پر بریفنگ دی گئی۔
آرمی چیف جنرل قمر جاوید باجوہ نے کہا کہ مسلسل چوکنا اور تیار رہنے سے خطرات سے نمٹا جاسکتا ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے لائن آف کنٹرول پر اگلے مورچوں کا دورہ کیا۔
آرمی چیف کو ایل او سی کی زمینی صورتحال اور فارمیشن کی آپریشنل تیاریوں پر بریفنگ دی گئی۔
آرمی چیف نے کوٹ کوٹیرا سیکٹر میں کنٹرول لائن پر تعینات فوجی جوانوں کے ساتھ بات چیت کی اور ان کی جنگی تیاری اور بلند حوصلے کی تعریف کی۔
آرمی چیف کا کہنا تھا کہ ایل او سی پر سکیورٹی کو یقینی بنانے کے لیے تمام خطرات اور ہنگامی حالات کا مقابلہ کرنے کے لیے مسلسل چوکس رہنا اور تیاری بہت ضروری ہے۔
ایل او سی پہنچنے پر کور کمانڈر لیفٹیننٹ جنرل ساحر شمشاد مرزا نے آرمی چیف کا استقبال کیا۔
