10 مارچ ، 2022 
روس کا فضائی حملہ: یوکرین کے میٹرنٹی اسپتال کی عمارت تباہ، 17 افراد زخمی
10 مارچ ، 2022
روس کے فضائی حملے میں یوکرین کے شہر ماریوپل میں میٹرنٹی اسپتال کی عمارت مکمل طور پر تباہ ہوگئی۔
غیر ملکی میڈیا رپورٹس کے مطابق بدھ کے روز روس کی جانب سے میٹرنٹی اسپتال کی عمارت پر حملے کی صورت میں حاملہ خواتین سمیت 17 افراد زخمی ہوگئے ہیں۔
حکام کاکہنا ہے کہ اسپتال پر حملے کی صورت میں اب تک کسی کی موت کی تصدیق نہیں ہوئی ہے جبکہ کسی بچے کے زخمی ہونے کی بھی اطلاع سامنے نہیں آئی۔
رپورٹس کے مطابق اسپتال پر بمباری اس وقت ہوئی جب شہریوں کی یوکرین سے ہجرت کرنے کیلئے محفوظ راہداری قائم کی گئی۔
یوکرین صدر ولودومیر زیلینسکی نے ٹوئٹر پر روسی حملے کی مذمت کرتے ہوئے کہا کہ ' اسپتال کے ملبے تلے کئی افراد اور بچے دبے ہوئے ہیں'۔
مقامی پولیس اہلکار نے کہا کہ 'آج روس نے ایک بہت بڑا جرم کیا ہے، یہ بغیر کسی جواز کے جنگی جرم ہے'۔
دوسری جانب حملے کے بعد پولیس اور ریسکیو ٹیمیں متاثرین کو نکالنے کے لیے جائے وقوعہ پر پہنچیں اور امدای سرگرمیوں میں حصہ لیتے ہوئے زخمیوں کو اسپتال منتقل کیا۔
امریکا اور برطانیہ کی جانب سے روسی حملے کی شدید مذمت کی گئی ہے۔
مزید خبریں :
ڈونلڈ ٹرمپ نے اپنی 15 رکنی کابینہ کا انتخاب مکمل کرلیا
25 نومبر ، 2024
اسرائیل اور حزب اللہ جنگ بندی کیلئے ابتدائی طور پر رضامند
25 نومبر ، 2024
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
