28 اپریل ، 2022 
یومِ مزدور: سندھ حکومت نے یکم مئی کو صوبے میں عام تعطیل کا اعلان کردیا
28 اپریل ، 2022
کراچی: سندھ حکومت نے یکم مئی کوصوبے میں عام تعطیل کا اعلان کردیا ہے۔
سندھ حکومت کی جانب سے جارہ کردہ نوٹی فکیشن کے مطابق یکم مئی کو یوم مزدور کے موقع پر صوبے میں عام تعطیل ہوگی۔
یوم مزدور کا تاریخی پس منظر
یکم مئی 1886 میں چند مزدور رہنماؤں کی اپیل پر امریکی شہر شکاگو کی فیکٹریوں میں کام کرنے والے 4 لاکھ مزدوروں کی جانب سے ہڑتال کی گئی۔
ہڑتال اس قدر کامیاب تھی کہ ایک امریکی اخبار نے لکھا کہ کسی ایک بھی فیکٹری کی چمنی سے دھواں اٹھتا دکھائی نہیں دیا۔
مزدوروں نے نہ صرف یہ کہ ہڑتال کی بلکہ شکاگو کے 'ہے مارکیٹ اسکوائر' پر احتجاج کے لیے جمع ہونے لگے، ایک محتاط اندازے کے مطابق 25 ہزار مزدور احتجاج کے لیے جمع ہوئے۔
مزدوروں کا مطالبہ تھا کہ ان کے کام کے اوقات 14 گھنٹے سے گھٹا کر 8 گھنٹے کیے جائیں اور اس مطالبے میں مقامی، غیر مقامی، ہنر مند اور مزدور سب ہی شامل تھے۔
پولیس نے مظاہرین کو منتشر کرنے کے لیے فائرنگ کی جس کے نتیجے میں کئی مزدور جاں بحق ہو گئے اور ان کی تعداد کے بارے میں اب تک درست معلومات نہیں۔
مزدوروں کے جائز مطالبے اور ان پر گولیاں برسانے کے بعد سے دنیا بھر میں ہر سال یکم مئی کو مزدوروں سے اظہار یکجہتی کے لیے 'یوم مزدور' منایا جاتا ہے۔
پاکستان میں قومی سطح پر یوم مزدور منانے کا آغاز 1973 میں ذوالفقار علی بھٹو کے دور حکومت میں ہوا، اس دن کی مناسبت سے ملک بھر کے تمام چھوٹے بڑے شہروں میں تقریبات، سیمینارز، کانفرنسز اور ریلیوں کا انعقاد کیا جاتا ہے۔
مزید خبریں :
کیا عمران خان کو رہائی ملنی چاہیے؟
3 گھنٹے پہلے
نیپرا نےکراچی کیلئے بڑے سولر منصوبےکی منظوری دے دی
7 گھنٹے پہلے
تھرپارکر میں گرمی کی شدت سے مزید 12 مور ہلاک
10 گھنٹے پہلے
