13 مئی ، 2022 
ویسٹ انڈیز کے خلاف ون ڈے سیریز کیلئے پاکستان اسکواڈ کا اعلان 23 مئی کو ہو گا
13 مئی ، 2022
پاکستان کرکٹ بورڈ (پی سی بی) کے مطابق راولپنڈی میں شیڈول ویسٹ انڈیز کے خلاف تین ون ڈے میچز کی سیریز کیلئے ٹیم کا اعلان 23 مئی کو ہوگا جبکہ کیمپ کا آغاز 29 مئی یا یکم جون سے راولپنڈی میں شروع ہوگا۔
ٹیم کا اعلان ہونے کے بعد انگلینڈ میں کھیلنے والے پاکستانی کھلاڑیوں کو طلب کیا جائے گا، ابھی انگلینڈ سے کسی کھلاڑی کو طلب نہیں کیا گیا ہے۔
13 جون کو نیدرلینڈز اور سری لنکا کے ٹور کیلئے ٹیموں کا اعلان ہو گا۔
پی سی بی کا کہنا ہے کہ ویسٹ انڈیز کے خلاف سیریز کا پہلا آپشن راولپنڈی وینیو ہی ہے، بیک اپ پلان میں ملتان شامل ہے، لاہور اور کراچی میں پچز تیار ہو رہی ہیں، سیاسی صورتحال مستحکم رہتی ہے تو سیریز راولپنڈی میں ہو گی جبکہ ویسٹ انڈیز کیخلاف سیریز میں بائیو سیکور ببل بھی نہیں ہو گا، کوئی کووڈ پابندی نہیں ہو گی تاہم احتیاطی تدابیر اختیار کی جائیں گی۔
پی سی بی کا کہنا ہے کہ سری لنکا کے دورے کے حوالے سے ا بھی کچھ کہنا قبل از وقت ہے۔ سری لنکا کے ساتھ ہمارے بڑے مضبوط روابط ہیں، کشیدہ حالات میں ٹورز ہوتے رہے ہیں، پاکستان خود انکار نہیں کرے گا، سری لنکن بورڈ نے فیصلہ کرنا ہے، سری لنکا میزبانی سے معذرت کرے گا یا تیسرے ملک میں کھیلنے کا کہے گا تو تسلیم کریں گے۔
مزید خبریں :
کراچی پریمیئر لیگ ملیر ڈولفنز نے جیت لی
11 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
