حکومت پنجاب نے14 ڈی آئی جیز کے تبادلوں کے احکامات جاری کردیے
17 جون ، 2022
حکومت پنجاب نے14 ڈی آئی جیز کےتبادلوں کےاحکامات جاری کردیے اور اس کا نوٹیفکیشن بھی جاری کردیا گیا ہے۔
نوٹیفکیشن کے مطابق سابق آئی جی اسلام آباد احسن یونس کو ڈی آئی جی، آئی ٹی پنجاب پولیس تعینات کردیا گیا ہے جبکہ وقاص نذیر کو ڈی آئی جی آپریشنز پنجاب،کاشف مشتاق کو ڈی آئی جی ٹیکنیکل اینڈ پروکیورمنٹ تعینات کردیا گیا ہے۔
اس کے علاوہ ڈاکٹر معین مسعود ڈی آئی جی لاجسٹک، مقصود الحسن ڈی آئی جی کرائم برانچ، اقبال دارا کمانڈنٹ پولیس اسکول آف انٹیلی جنس، سرفراز فلکی ڈی آئی جی پی ایچ پی تعینات کیے گئے ہیں۔
نوٹیفکیشن کے مطابق آغایوسف کو ڈی آئی جی ریسرچ اینڈ ڈیولپمنٹ، مرزا فاران بیگ کو ڈی آئی جی ایلیٹ ، طارق چوہان کو ڈی آئی جی اسٹیبلشمنٹ 2 تعینات کیا گیا ہے۔
فیصل علی راجہ کو ڈی آئی جی وی وی آئی پی سکیورٹی اسپیشل برانچ تعینات کیا گیا ہے جبکہ امین بخاری، شارق جمال، منیر شیخ کو ایس اینڈ جی ڈی اے رپورٹ کرنے کا حکم دیا گیا ہے۔
