07 جولائی ، 2022 
پاکستان
میں اپنی فوج کو کبھی کمزور نہیں دیکھ سکتا ،آرمی چیف کی تقرری کبھی بھی میرا ایشو نہیں رہا، سابق وزیراعظم کی سینیئر صحافیوں سے گفتگو— فوٹو: فائل
الیکشن پر جو بھی بات کرنا چاہتا ہے تحریک انصاف کے دروازے کھلے ہیں: عمران خان
07 جولائی ، 2022
سابق وزیراعظم عمران خان نے سیاسی صورتحال پر سینیئر صحافیوں سے گفتگو کرتے ہوئے کہا ہے کہ الیکشن پر ہر ایک سے بات کرنے کو تیار ہیں، الیکشن پر جو بھی بات کرنا چاہتا ہے تحریک انصاف کے دروازے کھلے ہیں۔
عمران خان نے کہا کہ جن کو مسلط کردیا گیا ہے ڈر ہے کہ وہ ملک کا کیا حال کردیں گے، مجھے اپنی نہیں ملک کی فکر ہے، آج عوام جن مشکلات سے دوچار ہیں ان کیلئے آواز بلند کر رہا ہوں ۔
انہوں نے کہا کہ میں اپنی فوج کو کبھی کمزور نہیں دیکھ سکتا ،آرمی چیف کی تقرری کبھی بھی میرا ایشو نہیں رہا، سرحدوں پر ڈیوٹی دینے والے جوان میرے بچوں کی طرح ہیں۔
عمران خان نے کہا کہ معیشت اور ملک کے ہر بحران کا بہتر حل نئے الیکشن ہیں۔
