28 اگست ، 2022 
پاکستان
مقتولین میں باپ بیٹا، نواسہ اور ایک خاتون شامل ہے، واقعے کی تحقیقات شروع کر دی ہیں: پولیس۔ فوٹو فائل
مردان میں فائرنگ سے ایک ہی خاندان کے 4 افراد قتل
28 اگست ، 2022
مردان میں مسلح افراد نے گھر میں گھس کر فائرنگ کر کے ایک ہی خاندان کے 4 افراد کو قتل کر دیا۔
پولیس کے مطابق فائرنگ کا واقعہ مردان کے علاقے خرکی میں پیش آیا جہاں نامعلوم افراد گھر میں گھس کر فائرنگ کرکے 4 افراد کو قتل کیا۔
پولیس کا کہنا ہے کہ مقتولین میں باپ بیٹا، نواسہ اور ایک خاتون شامل ہے، چاروں کی لاشیں کاٹلنگ اسپتال منتقل کر دی گئی ہیں۔
پولیس کے مطابق متاثرہ خاندان کی کسی سے کوئی دشمنی نہیں ہے تاہم فائرنگ کے واقعے کی ہر پہلو سے تحقیقات شروع کر دی گئی ہیں۔
