انسٹاگرام میں کم عمر صارفین کے لیے حساس مواد تک رسائی مزید محدود کردی گئی

انسٹاگرام نے کم عمر صارفین کے تحفظ کے لیے ایک نئے فیچر کو متعارف کرانے کا اعلان کیا ہے۔

اب 16 سال سے کم عمر نئے صارفین کے اکاؤنٹس کے لیے سکیورٹی سیٹنگ Sensitive Content Control میں مزید پابندیاں متعارف کرائی گئی ہیں۔

اس سیٹنگ کے تحت، ایکسپلور، ہیش ٹیگ، پیجز، ریلز، فیڈ ریکومینڈیشنز اور اکاؤنٹس سجیشن میں مواد کو فلٹر کرکے دکھایا جائے گا۔

Sensitive Content Control کو جولائی 2021 میں متعارف کرایا گیا تھا تاکہ کم عمر افراد کو نقصان دہ اور نامناسب مواد سے دور رکھا جاسکے۔

اس سیٹنگ میں 2 آپشنز اسٹینڈرڈ اور Less موجود ہوتے ہیں۔

انسٹاگرام کی جانب سے ایک بلاگ پوسٹ میں بتایا گیا کہ اب 16 سال سے کم عمر افراد جب اکاؤنٹ بنائیں گے تو انہیں ایک پروموٹ کے ذریعے Less سلیکٹ کرنے کا کہا جائے گا۔

بلاگ کے مطابق اس سے کم عمر صارفین کے لیے نقصان دہ مواد یا اکاؤنٹس تک رسائی مشکل ترین ہوجائے گی۔

کمپنی نے بتایا کہ ہم مسلسل ایسے کنٹرولز تیار کررہے ہیں جن سے صارفین کو انسٹاگرام کے تجربے کو بہتر بنانے میں مدد ملے گی۔