07 ستمبر ، 2022 
تلخ جملوں کا تبادلہ، میچ ریفری نے آصف علی اور افغان بولرکو طلب کرلیا
07 ستمبر ، 2022
ایشیا کپ میں آج افغانستان اور پاکستان میں ہونے والے ٹی ٹوئنٹی میچ میں پاکستانی بیٹر آصف علی اور افغان بولر فرید احمد کے درمیان تلخ جملوں کا تبادلہ ہوا۔
شارجہ میں ہونے والے میچ میں پاکستان نے سنسنی خیز مقابلے کے بعد افغانستان کو ایک وکٹ سے شکست دی اور فائنل کے لیےکوالیفائی کرلیا۔
میچ کے 19 ویں اوورز میں اہم لمحات میں پاکستانی بیٹر آصف علی، فرید احمد کی گیند پر کیچ آؤٹ ہوگئے، جب آصف پویلین لوٹنے لگے تو ان کے اور فرید کے درمیان تلخ جملوں کا تبادلہ ہوا ، آصف نے بیٹ بھی اٹھایا، اس دوران دیگر کھلاڑیوں اور فیلڈ امپائر نے بیچ بچاؤ کرایا۔
ذرائع کے مطابق میچ ریفری اینڈی پائی کرافٹ نے آصف علی اور فرید احمد کو طلب کرلیا ہے، دونوں پر جرمانہ بھی عائد کیا جاسکتا ہے۔
ذرائع کا کہنا ہے کہ آصف علی کو آئی سی سی کو ڈ آف کنڈکٹ کےلیول ون کے تحت جرمانےکا خدشہ ہے۔
آئی سی سی کی جانب سے اس حوالے سےآج باضابطہ اعلان کیا جائے گا ۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
