07 اکتوبر ، 2022 
پاکستان
پارٹی سے کوئی گلہ نہیں، نہ ہی قیادت سے شکوہ ہے: رہنما پی ٹی آئی— فوٹو: فائل
پنجاب کے وزیرمعدنی وسائل لطیف نذر کا وزارت سے مستعفی ہونے کا اعلان
07 اکتوبر ، 2022
صوبہ پنجاب کے وزیرمعدنی وسائل اور پاکستان تحریک انصاف کے رہنما لطیف نذر نے وزارت سے مستعفی ہونے کا اعلان کردیا۔
جیو نیوز سے گفتگو میں لطیف نذر کا کہنا تھاکہ وزارت چھوڑنے کا فیصلہ کیا ہے اور ذاتی مصروفیات کے باعث مستعفی ہورہا ہوں۔
ان کا کہنا تھاکہ پارٹی سے کوئی گلہ نہیں، نہ ہی قیادت سے شکوہ ہے۔
لطیف نذر کا کہنا تھاکہ پارٹی کے سٹی صدر فیصل آباد کی حیثیت سے کام کرتا رہوں گا، ایک دوروز میں وزارت سے باقاعدہ استعفیٰ دے دوں گا۔
