نشتر اسپتال ملتان: لاشیں چھت پر رکھنے والے ملازمین کیخلاف کارروائی کا فیصلہ

نشتر اسپتال ملتان کی چھت پر لاشوں کو رکھنے کے معاملے کی انکوائری مکمل ہوگئی، لاشیں وصول کرنے اور چھت پر رکھنے والے اسپتال ملازمین کے خلاف کارروائی کا فیصلہ کرلیا گیا۔

 نشتر اسپتال میں لاشوں کو چھت پر رکھنے پر ایڈیشنل چیف سیکرٹری کی قائم کردہ تحقیقاتی کمیٹی کا اجلاس نشتر اسپتال میں ہوا جس میں کمیٹی نےانکوائری رپورٹ مکمل کرکے ایڈیشنل چیف سیکرٹری کو ارسال کردی۔

نشتر اسپتال ملتان میں انسانیت کی تذلیل، سرد خانے کی چھت سے درجنوں لاشیں ملنے کا انکشاف

نشتر اسپتال کی چھت پر بنے کمرے میں درجنوں لاشیں گل سڑ رہی ہیں: ذرائع

انکوائری رپورٹ میں کہا گیا ہےکہ لاشیں وصول کرنے اور چھت پر رکھنے والے اسپتال ملازمین کے خلاف محکمانہ کارروائی کی جائےگی کیونکہ انہیں لاشیں کمرے میں رکھنی چاہیے تھیں۔

رپورٹ میں کہا گیا کہ پولیس جس دن لاوارث لاش لائےگی اس کے 28 دن کے بعد لاش لے جانےکی ذمہ دار ہوگی، پولیس یونین کونسل کے سیکرٹری کے ساتھ مل کر لاش کی تدفین کرے گی، اسپتال انتظامیہ اور پولیس لاشوں کی تدفین کے لیے آپس میں رابطے میں رہیں گے۔

لاوارث لاشیں ملنے کا واقعہ، پولیس نے ذمہ داری اسپتال انتظامیہ پر ڈال دی

پولیس کا سردخانے میں لاش رکھوانے کے بعد کوئی عمل دخل باقی نہیں رہتا: سی پی او ملتان

نشتر اسپتال میں لاشوں کو ایک کمرے میں کیوں پھینکا جارہا تھا؟

اسپتال کے مردہ خانے کے 5 میں سے 4 فریزر خراب ہیں جس کے باعث لاشوں کو ایسے ہی پھینک دیا جاتا ہے۔