30 اکتوبر ، 2022 
مذاکرات ہو رہے ہیں، صحافی کے سوال پر پرویز الٰہی کا جواب
30 اکتوبر ، 2022
وزیراعلیٰ پنجاب چوہدری پرویز الٰہی کا کہنا ہے کہ مذاکرات ہو رہے ہیں اور ہر لانگ مارچ میں بیک ڈور ہی مذاکرات ہوتے ہیں۔
سی بی ڈی بلیوارڈ کلمہ چوک کی ری ماڈلنگ منصوبے کے سنگ بنیاد کی تقریب سے خطاب میں پرویز الٰہی کا کہنا تھا شہباز شریف دور میں بند کیے گئے اپنے منصوبے دوبارہ شروع کر رہے ہیں اور عمران خان کا وژن نافذ کر رہے ہیں، منصوبوں کی تکمیل میں کوئی رکاوٹ نہیں آنے دوں گا۔
لانگ مارچ کے دوران مذاکرات سے متعلق سوال پر وزیراعلیٰ پنجاب کا کہنا تھا مذاکرات ہو رہے ہیں، ہر لانگ مارچ میں مذاکرات بیک ڈور ہی ہوتے ہیں۔
سی سی پی او لاہور کی خدمات وفاق کے سپرد نہ کرنے سے متعلق سوال پر چوہدری پرویز الٰہی کا کہنا تھا سی سی پی او لاہور اچھا کام کر رہے ہیں، ایک اچھے افسر کو ہم کیوں فارغ کریں۔
