30 اکتوبر ، 2022 
فیروز والا سے مریدکے جاتے ہوئے پر پی ٹی آئی کارکن آپس میں ہی لڑ پڑے
30 اکتوبر ، 2022
فیروزوالا سے مریدکےجاتے ہوئے راستہ نہ ملنے پر پاکستان تحریک انصاف (پی ٹی آئی ) کے کارکنان آپس میں ہی الجھ پڑے ۔
پی ٹی آئی کارکنوں کے جھگڑے میں تحریک انصاف کے کارکنوں میں کرسیاں چل گئیں جبکہ قریب کھڑےپولیس اہلکاروں نے کوئی مداخلت نہیں کی۔
واضح رہے کہ عمران خان کا لانگ مارچ تیسرے روز مرید کے پہنچ چکا ہے پاکستان تحریک انصاف کے چیئرمین عمران خان نے وزیراعظم شہباز شریف کی جانب سے گزشتہ روز آرمی چیف کی تقرری سے متعلق دیے گئے بیان پر ردعمل کا اظہار کیا تھا۔
آزادی مارچ کے تیسرے روز مریدکے میں شرکا سے خطاب کرتے ہوئے عمران خان کا کہنا تھا شہباز شریف، آپ نے ایک بیان دیا کہ میں نے آپ کو پیغام بھجوایا، شہباز شریف سن لو، بوٹ پالش کرنے والوں سے بات نہیں کرتا، میں نے ان سے بات کی جن سے ملنے کے لیے شہباز شریف گاڑی کی ڈگی میں جاتے تھے، شہباز شریف تمھارے پاس کیوں پیغام بھجواؤں گا؟ تمہارے پاس بات کرنے کیلیے ہے کیا؟
