29 دسمبر ، 2022 
پاکستان
الیکشن کمیشن حکام کی اٹارنی جنرل اشتر اوصاف سے ملاقات، بریفنگ دی گئی کہ 1997 میں بھی عام انتخابات ماہ رمضان میں منعقد ہوئے تھے— فوٹو: فائل
الیکشن کمیشن کا اسلام آبادکے بلدیاتی انتخابات رمضان میں کرانے کا عندیہ
29 دسمبر ، 2022
الیکشن کمیشن آف پاکستان نے اسلام آبادکے بلدیاتی انتخابات رمضان میں کرانے کا عندیہ دیا ہے۔
ذرائع کا کہنا ہے کہ الیکشن کمیشن حکام کی اٹارنی جنرل اشتر اوصاف سے ملاقات ہوئی ہے جس میں الیکشن کمیشن کے ڈی جی لاء اوراسپیشل سیکرٹری نے بھی شرکت کی۔
ذرائع کے مطابق ملاقات میں اسلام آباد ہائیکورٹ کے حکم کے تناظر میں مشاورت کی گئی۔
ذرائع کے مطابق اجلاس میں بریفنگ دی گئی کہ 1997 میں بھی عام انتخابات ماہ رمضان میں منعقد ہوئے تھے۔
ذرائع کا کہنا ہے کہ الیکشن کمیشن اٹارنی جنرل کے علاوہ وزارت داخلہ سے بھی مشاورت کرے گا۔
