کھیل
25 جنوری ، 2023

ویسٹ ایشیا بیس بال کپ، بھارتی ٹیم کو بھارتی سکیورٹی حکام نے واہگہ بارڈر پرروک لیا

بھارتی بیس بال ٹیم کے پاس پاکستانی ویزے کے باوجود پاکستان میں داخل ہونے کی اجازت نہیں دی گئی— فوٹو:فائل
بھارتی بیس بال ٹیم کے پاس پاکستانی ویزے کے باوجود پاکستان میں داخل ہونے کی اجازت نہیں دی گئی— فوٹو:فائل

ویسٹ ایشیا بیس بال کپ میں شرکت کیلئے آنے والی بھارتی بیس بال ٹیم کو بھارتی سکیورٹی حکام نے واہگہ بارڈر پر روک لیا۔

بھارتی بیس بال ٹیم کے پاس پاکستانی ویزے کے باوجود پاکستان میں داخل ہونے کی اجازت نہیں دی گئی۔

بھارتی بیس بال ٹیم کو واہگہ بارڈر پر 4 گھنٹے سے زائد انتظار کے باوجود بھارتی حکومت نے تاحال کلیئرنس نہیں دی۔

صدر پاکستان فیڈریشن بیس بال سید فخر شاہ کا کہناتھاکہ ہم بھارتی فیڈریشن کے ساتھ مسلسل رابطے میں ہیں اور کوشش ہے کہ بھارتی حکام اپنی ٹیم کو جلد کلیئرنس دیدیں۔

خیال رہے کہ ویسٹ ایشیا بیس بال کپ میں پاکستان، سری لنکا ، فلسطین ، بنگلا دیش، افغانستان اور انڈیا کی ٹیمیں حصہ لیں گی۔

غیر ملکی ٹیمیں پاکستان پہنچنا شروع ہوگئیں، ویسٹ ایشیا بیس بال کپ کے میچز 27 جنوری سے اسلام آباد میں شروع ہوں گے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM