03 فروری ، 2023
پاکستان کرکٹ کے روشن ستاروں نے پاکستان سپر لیگ کے آٹھویں ایڈیشن (پی ایس ایل 8) کیلئے اہداف طے کر لیے ہیں۔
پاکستان کرکٹ بورڈ (پی سی بی) کے پوڈ کاسٹ میں پاکستان کے ستاروں نے کھل کر اپنے اہداف شائقین کو بتادیے۔
شاہین آفریدی نے کہا کہ انہیں پریشر میں کھیلنا، سیکھنا ہے اور فیصلہ سازی میں اچھا ہونا ہے۔
پشاور زلمی کے کپتان بابر اعظم نے کہا کہ وہاب ریاض کبھی کبھارجوش میں بولنگ ادھراُدھر کر جاتے ہیں، وہاب ریاض کو ڈوز دینا پڑے گا۔
سرفراز احمد نے کہا کہ پی ایس ایل نے کھلاڑیوں کو کیمرہ اور کراؤڈ کے دباؤ میں کھیلنا سکھایا ہے۔
واضح رہے کہ شیڈول کے تحت پی ایس ایل 8 کا آغاز 13 فروری سے ہوگا جبکہ فائنل 19 مارچ کو لاہور میں کھیلا جائے گا۔