امراض قلب، کینسر اور دیگر جان لیوا امراض سے تحفظ کا آسان طریقہ

امراض قلب، کینسر اور دیگر جان لیوا امراض سے خود کو بچانا چاہتے ہیں؟ تو ہر رات اچھی نیند کو یقینی بنائیں۔

یہ بات ایک نئی طبی تحقیق میں سامنے آئی۔

وہ 5 اہم نشانیاں کونسی ہیں جو جسم میں کیلشیم کی کمی کا اشارہ کرتی ہیں؟

جسم میں کیلشیم کی مقدار کو پورا کرنے کے لیے ضروری ہے کہ ہم روزانہ اپنی خوراک میں ایسی غذائیں شامل کر لیں جس سے کیلشیم کی ضرورت کو پورا کیا جا سکے۔

ہارورڈ میڈیکل اسکول کی تحقیق میں بتایا گیا کہ اچھی نیند دل اور جسمانی صحت کو بہتر بنانے میں اہم کردار ادا کرتی ہے اور زندگی کی مدت میں اضافہ کر سکتی ہے۔

تحقیق میں دریافت کیا گیا کہ نوجوانی سے اچھی نیند کو عادت بنانے سے قبل از وقت موت کا خطرہ کم ہو جاتا ہے۔

تحقیق میں بتایا گیا کہ کسی بھی وجہ سے 8 فیصد اموات نیند کی کمی کا نتیجہ ہوتی ہیں۔

اس تحقیق میں ایک لاکھ 72 ہزار سے زیادہ افراد سے 2013 سے 2018 کے دوران کیے گئے سروے کے ڈیٹا کی جانچ پڑتال کی گئی۔

کیا یہ چنے کھانے سے صحت کو کوئی فائدہ ہوتا ہے؟

کیا چنے کھانے سے فائدہ ہوتا ہے یا کوئی نقصان بھی ہو سکتا ہے؟

2018 کے بعد 4 سال تک ان افراد کی صحت کا جائزہ لیا گیا جس دوران 8681 افراد مختلف امراض کے باعث انتقال کر گئے۔

تحقیق میں شامل افراد کی نیند کا جائزہ لینے کے بعد دریافت کیا گیا کہ اچھی نیند سے دل کی شریانوں سے جڑے امراض سے موت کا خطرہ 21 فیصد، کینسر سے موت کا خطرہ 19 فیصد جبکہ دیگر امراض سے موت کا خطرہ 40 فیصد تک کم ہو جاتا ہے۔

تحقیق میں اچھی نیند کے 5 رویے بھی دریافت کیے گئے۔

کیا آپ کو معلوم ہے کہ صحت مند افراد کا بلڈ پریشر کتنا ہونا چاہیے؟

بیشتر افراد کو یہ علم ہی نہیں ہوتا کہ صحت مند افراد کا بلڈ پریشر کتنا ہونا چاہیے۔

ان رویوں میں 7 سے 8 گھنٹے کی نیند، سونے میں مشکلات کا سامنا نہ ہونا، بیدار ہونے کے بعد دوبارہ سونا، نیند میں مدد فراہم کرنے والی ادویات کا استعمال نہ کرنا اور بیدار ہونے کے بعد ذہنی اور جسمانی طور پر خود کو اچھا محسوس کرنا شامل ہے۔

محققین نے بتایا کہ اگر تمام افراد نیند کے لیے مثالی رویوں کو اپناتے ہیں تو ان کی زندگی کی مدت بھی بڑھ سکتی ہے۔

انہوں نے کہا کہ اگر آپ نیند کا معیار بہتر کرتے ہیں تو مختلف امراض سے متاثر ہونے یا ان سے موت کا خطرہ بھی گھٹ جاتا ہے۔

ہارٹ اٹیک کا خطرہ بڑھانے والی عام عادت دریافت

ہر سال کروڑوں افراد کو ہارٹ اٹیک کا سامنا ہوتا ہے اور اس کا خطرہ بڑھانے والی ایک اہم وجہ سامنے آگئی ہے۔

تحقیق میں دریافت کیا گیا کہ اچھی نیند کے نتیجے میں مردوں کی اوسط عمر میں 4.7 سال جبکہ خواتین کی اوسط عمر میں 2.4 سال کا اضافہ ہو جاتا ہے۔

اس تحقیق کے نتائج امریکن کالج آف کارڈیالوجی کے سالانہ اجلاس کے دوران پیش کیے گئے۔