موٹاپے کا باعث بننے والی عام غلطی جو آپ بھی کرتے ہیں

اگر آپ اپنا کھانا بہت تیزی سے کھانے کے عادی ہیں تو یہ عادت جسمانی وزن میں اضافے، موٹاپے اور دیگر طبی مسائل کا باعث بن سکتی ہے۔

اس کے مقابلے میں غذا کو آرام سے کھانا زیادہ بہتر ہوتا ہے اور صحت کو اس عادت سے فائدہ ہوتا ہے۔

وہ عام عادات جو آپ کو ڈپریشن کا شکار بنا سکتی ہیں

روزمرہ کی چند عام عادات سے ڈپریشن سے متاثر ہونے کا خطرہ بڑھتا ہے۔

مگر سوال یہ ہے کہ کیا آرام سے کھانے سے جسمانی وزن میں کمی لانا ممکن ہے؟

بہت تیزی سے کھانا موٹاپے کا شکار بنا سکتا ہے

طبی سائنس کے مطابق جو افراد بہت تیزی سے غذا کو جسم کا حصہ بناتے ہیں، عموماً ان کا جسمانی وزن دیگر کے مقابلے میں زیادہ ہوتا ہے۔

درحقیقت بہت زیادہ تیزی سے کھانے والے افراد میں موٹاپے کا امکان دیگر کے مقابلے میں 115 فیصد زیادہ ہوتا ہے۔

کیا چیونگم کو نگل لینا نقصان دہ ہوتا ہے؟

ایسا کہا جاتا ہے کہ چیونگم کو نگل لیا جائے تو طویل عرصے تک ہمارے معدے میں موجود رہتی ہے، مگر کیا یہ بات واقعی درست ہے؟

ایک تحقیق میں دریافت کیا گیا کہ غذا کو تیزی سے کھانے والے افراد کا جسمانی وزن آرام سے کھانے والوں کے مقابلے میں دوگنا زیادہ تیزی سے بڑھتا ہے۔

آرام سے کھانے سے کیا ہوتا ہے؟

کھانے کی خواہش کو جسمانی ہارمونز کنٹرول کرتے ہیں۔

کھانے کے بعد ہمارا معدہ بھوک کا احساس دلانے والے ایک ہارمون ghrelin کو دباتا ہےجبکہ پیٹ بھرنے کا احساس دلانے والے ہارمونز کو خارج کرتا ہے۔

عمر بڑھنے کے ساتھ ہڈیوں کو مضبوط رکھنے میں مددگار آسان عادات

ہڈیوں کی کمزوری کا سامنا کسی بھی عمر میں ہو سکتا ہے۔

یہ ہارمونز دماغ کو بتاتے ہیں کہ آپ کا پیٹ بھر چکا ہے جس کے بعد مزید کھانے کی خواہش نہیں ہوتی۔

اس عمل کو مکمل ہونے میں 20 منٹ لگتے ہیں تو آرام سے کھانے سے دماغ کو یہ سگنل ملنے کے لیے مناسب وقت مل جاتا ہے۔

آرام سے کھانے سے بسیار خوری کی روک تھام ہوتی ہے

بہت زیادہ تیزی سے کھانے سے لوگ اکثر ضرورت سے زیادہ کھانا کھا لیتے ہیں کیونکہ پیٹ بھرنے کا سگنل دماغ کو تاخیر سے ملتا ہے۔

آخر کچھ لوگ لیفٹ ہینڈڈ کیوں ہوتے ہیں؟

کیا وجہ ہے کہ اکثر افراد تو رائٹ ہینڈر ہوتے ہیں مگر کچھ اپنے بائیں ہاتھ کا زیادہ استعمال کرتے ہیں۔

اس کے مقابلے میں آرام سے کھانا کھانے پر پیٹ بھرنے کا احساس دلانے والے ہارمونز کی تعداد بڑھتی ہے جس سے لوگ کم مقدار میں غذا کو جسم کا حصہ بناتے ہیں۔

کیلوریز کا کم استعمال

ایک تحقیق میں دریافت کیا گیا کہ جو افراد آرام سے کھانا کھاتے ہیں انہیں تیزی سے کھانے والوں کے مقابلے میں زیادہ دیر سے بھوک لگتی ہے۔

اس کے نتیجے میں وہ افراد کم کیلوریز کو جسم کا حصہ بناتے ہیں جس سے بتدریج جسمانی وزن میں کمی آتی ہے۔

اچھی طرح چبانا

آرام سے کھانا کھانے کے لیے ضروری ہے کہ غذا کو نگلنے سے پہلے اسے اچھی طرح چبایا جائے۔

کئی بار بیٹھنے کے بعد اچانک اٹھنے پر آنکھوں کے سامنے اندھیرا کیوں چھا جاتا ہے؟

یہ بہت عام مسئلہ ہے جس کا سامنا کسی بھی عمر کے فرد کو ہوسکتا ہے۔

اس عمل سے کیلوریز کی کم مقدار جسم کا حصہ بنتی ہے اور جسمانی وزن میں کمی آتی ہے۔

متعدد تحقیقی رپورٹس میں دریافت کیا گیا کہ جسمانی وزن بڑھنے سے پریشان افراد اپنی غذا کو اچھی طرح چبانے کے عادی نہیں ہوتے۔

آرام سے کھانے کے دیگر فوائد

اس عادت کے نتیجے میں کھانے کا ذائقہ زیادہ بہتر محسوس ہوتا ہے، نظام ہاضمہ بہتر ہوتا ہے، غذائی اجزا کو بہتر طریقے سے جذب کرنے میں مدد ملتی ہے جبکہ تناؤ کم ہوتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔