07 اپریل ، 2023 
پاکستان
58 ٹوبی ختم ہونے کے بعد وزیراعظم کو نکالنے کیلئے توہین عدالت قانون استعمال کیا جارہا ہے: لیگی رہنما— فوٹو:فائل
حکومت توہین عدالت کا قانون بدلنے پر غور کر رہی: سینیٹر افنان اللہ
07 اپریل ، 2023
مسلم لیگ (ن) کے سینیٹر افنان اللہ نے کہا ہے کہ حکومت توہین عدالت کا قانون بدلنے پر غور کر رہی ہے۔
جیو نیوز سے گفتگو میں سینیٹر افنان اللہ خان نے کہا کہ 58 ٹوبی ختم ہونے کے بعد وزیراعظم کو نکالنے کیلئے توہین عدالت قانون استعمال کیا جارہا ہے۔
دوسری جانب پاکستان تحریک انصاف نے توہین عدالت معاملے پرقانون سازی کی مخالفت کا اعلان کیا ہے۔
پی ٹی آئی کے سینیٹر اور سینیٹ میں اپوزیشن لیڈر شہزاد وسیم نے کہا کہ اس حکومت نے پارلیمنٹ کو گھر کی چیز سمجھ لیا ہے، توہین عدالت معاملے پرقانون سازی کی مخالفت کی جائے گی۔
