اگر ایک مکھی کھانے پر بیٹھ جائے تو کیا اسے کھانا محفوظ ہوتا ہے؟

آپ کھانا کھا رہے ہیں اور اچانک پلیٹ پر ایک مکھی آکر بیٹھ جائے اور چند قدم چل کر اپنے ہاتھوں کو حرکت دے، پھر اڑ جائے تو اس غذا کو کھانا محفوظ ہوتا ہے یا نہیں؟

صحیح بات تو یہ ہے کہ ایسی غذا کو کھانے سے بیماری ہونے کا امکان کم ہوتا ہے۔

سفر کے دوران متلی اور سر چکرانے سے بچانے میں مددگار آسان طریقے

گاڑی میں سفر کے دوران اکثر افراد کو متلی، قے، سر چکرانے اور دیگر مسائل کا سامنا ہوتا ہے۔

مگر چند عناصر ایسے ہیں جن کو مدنظر رکھنا ضروری ہے کیونکہ ان سے ہی فیصلہ ہوتا ہے کہ کھانا محفوظ ہے یا نہیں۔

کیا مکھیاں کھانے پر الٹی کر دیتی ہیں؟

یہ جان کر آپ کو دھچکا لگے گا مگر ہمارے اردگرد نظر آنے والی مکھیاں بہت غلیظ ہوتی ہیں۔

یہ افواہ بھی درست ہے جب وہ ہمارے کھانے پر بیٹھتی ہیں تو جو کچھ بھی ان کے معدے میں ہوتا ہے وہ الٹی کی صورت میں نکال دیتی ہیں۔

مسلز بنانے کے لیے آپ کو کتنا وقت درکار ہوتا ہے؟

مسلز بنانے کے لیے کیا کرنا چاہیے، کونسی غذا جسم کو مضبوط بناتی ہے اور مسلز بنانے کے لیے کتنا وقت لگ سکتا ہے؟

چونکہ مکھیوں کے پاس غذا چبانے کے لیے دانت یا جبڑے نہیں ہوتے تو وہ جزوی طور پر ہضم ہونے والی غذا کو خارج کردیتی ہیں۔

وہ اپنی مختصر زندگی کا بیشتر وقت سڑی ہوئی سبزیاں، کچے گوشت اور جانوروں و انسانوں کے فضلے کو کھاتے ہوئے گزارتی ہیں اور اس طرح کے طرز زندگی کا مطلب ہے کہ ان کے اندر متعدد جراثیم موجود ہوتے ہیں۔

2017 کی ایک تحقیق میں بتایا گیا تھا کہ مکھیاں کسی صاف اور گندے ماحول کے درمیان پل کا کام کرتی ہیں، جو آلودہ غذاؤں کا استعمال کرکے وہ مواد صاف جگہوں پر پہنچا دیتی ہیں۔

وہ عام عادات جو کیل مہاسوں کا شکار بنا دیتی ہیں

کیل مہاسوں کا مسئلہ دنیا بھر میں سب سے عام جِلدی مرض ہے جو بیشتر افراد کو پسند نہیں ہوتا۔

تو مکھیاں کونسے جراثیم پھیلا سکتی ہیں؟

ایک تحقیق میں مکھیوں کے اندر 130 جراثیموں کو شناخت کیا گیا تھا۔

دنیا کے بیشتر حصوں میں یہ جراثیم غذاؤں کے ذریعے امراض پھیلاتے ہیں، ان امراض میں ہیضہ، پیٹ درد، الٹیاں، متلی اور بخار قابل ذکر ہیں۔

2022 کی ایک تحقیق کے دوران محققین نے نیویارک کے ایک فارم سے 100 مکھیوں کو پکڑا اور دریافت کیا کہ ان میں غذاؤں کے ذریعے پھیلنے والے متعدد جراثیم موجود تھے۔

زرد دانتوں کی سفیدی بحال کرنے میں مددگار آسان طریقے

گھر میں رہتے ہوئے دانتوں کی زردی کو دور کرنا ممکن ہے۔

مگر سوال یہ ہے کہ کیا یہ جراثیم اتنی تعداد میں ہوتے ہیں کہ کسی صحت مند فرد کو بیمار کر سکیںَ، تو اس کا انحصار اس بات پر ہے کہ کتنی مکھیاں آپ کے کھانے پر کتنی دیر تک موجود رہیں۔

تو ایک مکھی کسی کھانے پر کچھ لمحات کے لیے بیٹھتی ہے تو بیشتر ماہرین کے مطابق یہ کوئی بڑی بات نہیں اور کھانے کے اس حصے کو پھینکنے کی بھی ضرورت نہیں۔

البتہ اگر مکھیوں کا غول آپ کے کھانے پر کچھ دیر تک بیٹھا رہے تو اسے پھینک دینا بہتر ہے۔

ہمیں روزانہ کم از کم کتنے گھنٹے نیند کی ضرورت ہوتی ہے؟

بیشتر افراد کو یہ علم ہی نہیں ہوتا کہ انہیں روزانہ کتنے گھنٹے نیند کی ضرورت ہوتی ہے؟

دنیا کے ایسے خطے جہاں وبائی امراض عام ہوتے ہیں وہاں مکھیوں کے باعث بیمار ہونے کا خطرہ زیادہ ہوتا ہے۔

تو ایک مکھی کے کھانے پر بیٹھنے سے بیمار ہونے کا خطرہ تو کم ہوتا ہے خاص طور پر اگر آپ کا مدافعتی نظام مضبوط ہو، مگر یہ خطرہ کتنا ہوگا یہ واضح طور پر کہنا ممکن نہیں۔

تو اگر آپ کو شک ہے تو کھانے کا وہ حصہ مت کھائیں جس پر مکھی بیٹھی ہو۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔