ویڈیو: کھلاڑیوں کے ڈریسنگ روم میں خوشگوار لمحات، بابر نے افتخار سے عیدی مانگ لی

عید سے پہلے عیدی کا مطالبہ، کپتان بابر اعظم اور محمد رضوان نے افتخار احمد سے عیدی مانگ لی۔

راولپنڈی میں بارش اور ژالہ باری، پاک نیوزی لینڈ چوتھا ٹی ٹوئنٹی میچ بے نتیجہ ختم

نیوزی لینڈ نے پہلے کھیلتے ہوئے 18.5 اوورز میں 5 وکٹ پر 164 رنز بنائے تھے کہ تیز بارش اور ژالہ باری شروع ہوگئی

پاکستان اور نیوزی لینڈ کے درمیان راولپنڈی میں ہونے والے میچ میں بارش نے جہاں میچ کا مزہ کرکرا کیا وہیں کھلاڑیوں نے ڈریسنگ روم میں خوب انجوائے کیا اور ایک دوسرے سے چھیڑ خانی کی۔

پی سی بی کی جانب سے ڈریسنگ روم کی ویڈیو جاری کی گئی ہے جس میں بابراعظم نے افتخار احمد سے عیدی کا مطالبہ کرتے ہوئے کہا کہ آپ کا ہمیں عیدی دینا بنتا ہے،  اس موقع پر رضوان نے بھی بابر کا ساتھ دیا اور افتخار سےعیدی مانگی۔

بارش سے متاثرہ میچ کے دوران کھلاڑیوں نے ڈریسنگ روم میں خوشگوار لمحات گزارے۔