22 اپریل ، 2023
مقبوضہ کشمیر کے علاقے سری نگر میں قابض انتظامیہ نے کشمیریوں کو تاریخی جامع مسجد اور تمام مرکزی عیدگاہوں میں نمازعید کی ادائیگی سے روک دیا۔
مقبوضہ کشمیر میں قابض بھارت کی ریاستی دہشت گردی عید پر بھی نہ رُکی، قابض بھارتی انتظامیہ نے کشمیری مسلمانوں کو تاریخی جامع مسجد سمیت تمام مرکزی عیدگاہوں میں نمازعید ادا کرنے سے روک دیا۔
کشمیر میڈیا سروس کے مطابق لوگوں کو جامع مسجد پہنچنے سے روکنے کے لیے قابض بھارتی فورسز کی بھری نفری تعینات کی گئی تھی، اسی طرح کے اقدامات وادی کشمیر اور جموں کے دیگر حصوں میں بھی کیے گئے۔
کشمیر میڈیا سروس نے بتایا کہ قابض بھارت کی جارحیت کے خلاف کشمیریوں نے گو انڈیا گو بیک اور ہمیں چاہیے آزادی کے نعرے لگائے۔
انجمن اوقاف جامع مسجد سری نگر نے عید الفطر کی نماز صبح نو بجے ادا کرنے کا اعلان کر رکھا تھا۔