21 مئی ، 2023 
سرکاری ترقیاتی پروگرام کے تحت جاری فنڈز کی تفصیلات جاری
21 مئی ، 2023
رواں مالی سال اب تک سرکاری ترقیاتی پروگرام پی ایس ڈی پی میں سے 566 ارب 85کروڑ روپے جاری کرنے کی منظوری دی گئی جو گزشتہ مالی سال کے اسی عرصے کے مقابلے میں 50 ارب روپے زیادہ ہے۔
وزارت منصوبہ بندی کی طرف سے جاری تفصیلات کے مطابق صرف رواں مالی سال کی چوتھی سہ ماہی میں 72 ارب روپے کے فنڈز جاری کرنے کی منظوری دی گئی، رواں مالی سال کے دوران اب تک 566 ارب 85 کروڑ روپے جاری کرنے کی منظوری دی جاچکی ہے جبکہ گزشتہ سال اسی عرصے میں 516 ارب روپے سے زائدکے فنڈز جاری کیےگئے۔
تفصیلات کے مطابق رواں مالی سال پی ایس ڈی پی کے تحت اب تک 566 ارب روپے سے زائد کے فنڈز جاری کیے ہیں۔
اعلامیے میں کہا گیا کہ گزشتہ مالی سال اسی عرصے میں 516 ارب 31کروڑ روپے کے ترقیاتی فنڈز کے اجرا کی منظوری ہوئی تھی، رواں مالی سال اب تک ہائر ایجوکیشن کمیشن کو 42 ارب روپے سے زائد فنڈز جاری کرنے کی منظوری دی گئی۔
