30 دسمبر ، 2012 
ابتدا میں وکٹیں لے کر جنید خان نے بھارتی بیٹنگ کی کمر توڑ دی،میاں داد
30 دسمبر ، 2012
کراچی…پاکستان کرکٹ ٹیم کے سابق کپتان جاوید میانداد نے کہا ہے کہ ابتدا میں وکٹیں حاصل کرکے جنید خان نے بھارتی بیٹنگ کی کمر توڑ دی، ان کے ابتدائی اسپیل نے اپنی ٹیم کیلئے گیم بنایا۔جیو نیوز سے گفتگو کرتے ہوئے ڈی جی پی سی بی نے کہا کہ جنید خان کے ابتدائی اسپیل نے بھارتی ٹیم کو میچ میں واپس آنے کا موقع نہیں دیا، انہوں نے کہا کہ مشکل حالات میں مہندرا سنگھ دھونی نے شاندار اننگ کھیلی لیکن ان کا ساتھ دینے والا کوئی دوسرا بیٹسمین نہ تھا۔انہوں نے کہا کہ یونس خان نے لاجواب بیٹنگ کی ، پاکستانی اننگ کو انہوں نے وننگ ٹریک پر ڈالا، ان کی ناصر جمشید کے ساتھ پارٹنر شپ انتہائی معیاری رہی، ناصر جمشید نے سیٹ ہونے کے بعد میچ فنش کیا جو اچھا سائن ہے، جایود میانداد نے کہا کہ پاکستان ٹیم کو دو تین اوور پہلے میچ ختم کرنا تھا تاکہ مستقبل میں بڑے ہدف کی پریکٹس ہو جاتی۔
مزید خبریں :
ایشین ٹیم اسنوکر چیمپئن شپ میں پاکستان کا شاندار آغاز
27 جون ، 2025
پاکستان ہاکی ٹیم کی پرو لیگ میں شرکت مالی وسائل سے مشروط
26 جون ، 2025
