16 جون ، 2023 
پنجاب کے سابق گورنر لطیف کھوسہ کے گھر پر نامعلوم افراد کی فائرنگ
16 جون ، 2023
لاہور میں پنجاب کے سابق گورنر لطیف کھوسہ کے گھر پر نامعلوم افراد کی فائرنگ کے واقعے میں ان کا ڈرائیور زخمی ہو گیا۔
سابق گورنر پنجاب اور نامور قانوندان لطیف کھوسہ کا کہنا ہے کہ میرے گھر پر فائرنگ کا واقعہ پیش آیا ہے جس میں میرا ڈرائیور زخمی ہو گیا ہے۔
لطیف کھوسہ کا کہنا تھا کہ نامعلوم افراد گھر پر فائرنگ کرنے کے بعد فرار ہو گئے۔
واقعے کی اطلاع ملتے ہی سپرنٹنڈنٹ پولیس (ایس پی) کینٹ اویس شفیق، لطیف کھوسہ کے گھر پر پہنچ گئے۔
فائرنگ کے واقعے میں سابق گورنر پنجاب لطیف کھوسہ محفوظ رہے تاہم ان کا ڈرائیور زخمی ہو گیا۔
واقعے سے متعلق مزید تفصیلات تاحال سامنے نہیں آئے تاہم ایس پی کینٹ جائے واقعہ پر پہنچ گئے ہیں اور پولیس کی جانب سے ابتدائی تفتیش کا عمل شروع کر دیا گیا ہے۔
مزید خبریں :
شیخ رشید صدر زرداری کے قتل کی سازش کے کیس سے بری
1 گھنٹے پہلے
پنجاب اسمبلی نے ترمیمی زرعی انکم ٹیکس بل منظور کرلیا
10 گھنٹے پہلے
