17 جون ، 2023 
پاکستان
موٹر وے پولیس کے مطابق حادثے کا شکار ہونے والی بس راولپنڈی سے لاہور جارہی تھی کہ کلر کہار کے قریب سالٹ رینج کے علاقے میں بریک فیل ہونے کے باعث الٹ گئی— فوٹو: سوشل میڈیا
لاہور اسلام آباد موٹروے پر کلرکہار کے قریب بس حادثہ، 12 افراد جاں بحق
17 جون ، 2023
لاہور اسلام آباد موٹروے پر کلرکہار کے قریب بس حادثہ ہوا ہے جس میں 12 افراد جاں بحق اور 24 زخمی ہوگئے ہیں۔
موٹر وے پولیس کے مطابق حادثے کا شکار ہونے والی بس راولپنڈی سے لاہور جارہی تھی کہ کلر کہار کے قریب سالٹ رینج کے علاقے میں بریک فیل ہونے کے باعث الٹ گئی۔
جاں بحق مسافروں میں 3 خواتین اور دو بچے بھی شامل ہیں ۔ حادثےکی اطلاع ملنے پر ریسکیو 1122 اور پولیس نے امدادی کارروائی کرکے متاثرہ لوگوں کواسپتال منتقل کیا۔
