08 جولائی ، 2023
سپلائی کم اور ڈیمانڈ زیادہ ہونے کے باعث بھارت میں ٹماٹر کی قیمت زیادہ نہیں بہت زیادہ ہو گئی ہے جس کے پیش نظر امریکی فوڈ چین نے فاسٹ فوڈ کے شوقین افراد کو خبردار کیا ہے کہ کسی بھی آئٹم میں ٹماٹر استعمال نہیں ہو گا۔
بھارتی میڈیا کے مطابق امریکی فوڈ چین نے صارفین کو کچھ عرصے تک فاسٹ فوڈ میں ٹماٹر پیش نہ کرنے کا کہہ دیا ہے، بھارت کے شمالی اور مشرقی علاقوں کے امریکی فاسٹ فوڈ سینٹرز میں کھانوں میں ٹماٹر نہیں دیے جا رہے۔
امریکی فوڈ چین کا کہنا ہے کہ بڑھتی قیمتوں کی وجہ سے ٹماٹر کے معیار اور سپلائی میں مسائل ہیں، اپنے فوڈ آئٹمز میں کچھ وقت کے لیے ٹماٹر کی سپلائی روک رہے ہیں۔
خیال رہے کہ حالیہ دنوں میں بھارت کے کچھ علاقوں میں ٹماٹر کی قیمت 250 روپے فی کلو سے بھی اوپر چلی گئی ہے۔