14 جولائی ، 2023 
پاکستان
ملزمان کے قبضے سے 54 لاکھ روپے، ڈھائی ہزار امریکی ڈالر اور 6100 درہم برآمد ہوئے ہیں: ایف آئی اے/ فائل فوٹو
ایف آئی اے نے ایک ہفتے سے لاپتا کسٹمز افسران کو گرفتار کرلیا
14 جولائی ، 2023
کراچی: وفاقی تحقیقاتی ادارے (ایف آئی اے) نے ایک ہفتے سے لاپتا کسٹمز افسران کو گرفتار کرکے ان کے خلاف مقدمہ درج کرلیا۔
ایف آئی اے حکام کے مطابق طارق محمود اور یاور عباس کو اسلام آباد جاتے ہوئے گرفتار کیا گیا ہے اور ملزمان کے قبضے سے 54 لاکھ روپے، ڈھائی ہزار امریکی ڈالر اور 6100 درہم برآمد ہوئے ہیں۔
ایف آئی اے حکام کے مطابق دونوں افسران کو کسٹمز میں میگا کرپشن اسکینڈل کے تحت گرفتار کیا گیا ہے، ملزمان کے خلاف ایف آئی آے اینٹی کرپشن سرکل میں مقدمہ درج کیا گیا ہے۔
