امراض سے بچنے کیلئے بستر کی چادر کو کتنے دنوں بعد بدل دینا چاہیے؟

ہم سب اپنا لباس چند دن بعد جبکہ کچن کے برتنوں کو روزانہ دھوتے ہیں۔

مگر طویل دن کے اختتام پر ہم بستر پر لیٹ کر سو جاتے ہیں اور اس پر موجود چادر کے بارے میں سوچتے بھی نہیں۔

تو آخر بستر کی چادر یا بیڈ شیٹ کو کتنے دن بعد بدلنا چاہیے؟

ایک سروے میں دریافت کیا گیا تھا کہ 91 فیصد افراد بستر کی چادر کو 15 دن سے قبل بدلنے کا سوچتے بھی نہیں، مگر طبی ماہرین اس بارے میں کیا کہتے ہیں؟

ناخنوں میں فنگس سے نجات دلانے میں مددگار آسان طریقے

پیروں کے ناخنوں کی اس فنگس کو دیکھنا کسی کو بھی اچھا نہیں لگتا اور کئی بار یہ مسئلہ تکلیف دہ بھی ہوتا ہے۔

ماہرین کی رائے کیا ہے؟

طبی ماہرین کی جانب سے بستر کی چادر کو ہر ہفتے بدلنے کا مشورہ دیا جاتا ہے۔

اس کی وجہ یہ ہے کہ ایک ہفتے کے اندر چادر پر فضلے کے اجزا، پولن، مردہ انسانی خلیات اور ڈسٹ مائٹس سمیت ایسا بہت کچھ جمع  ہو جاتا ہے جو ہماری آنکھوں کو نظر نہیں آتا۔

دن بھر میں اوسطاً ہر انسان کے جسم سے 50 کروڑ خلیات کا اخراج ہوتا ہے جو ڈسٹ مائٹس کی خوراک بنتے ہیں۔

کینسر جیسے مرض سے خود کو محفوظ رکھنا چاہتے ہیں؟ تو یہ آسان عادت آج ہی اپنالیں

روزمرہ کے کاموں کے دوران 4 سے 5 منٹ کی سخت جسمانی سرگرمیوں سے کینسر کی مختلف اقسام سے متاثر ہونے کا خطرہ 32 فیصد تک کم ہو جاتا ہے۔

امریکن اکیڈمی آف ڈرماٹولوجی کے مطابق اگر بستر کی چادر کو ہر ہفتے نہ بدلا جائے تو انفیکشن کا خطرہ بڑھ جاتا ہے، خاص طور پر پیشاب کی نالی کی سوزش، جِلد کا انفیکشن اور نمونیا کا خطرہ بڑھتا ہے۔

ضروری نہیں کہ چادر نہ بدلنے سے اوپر درج بیماریوں کا سامنا ہو مگر اس کا امکان ضرور بڑھتا ہے، جبکہ اس کے ساتھ کیل مہاسوں اور جِلد کے دیگر مسائل کا سامنا بھی ہو سکتا ہے۔

کچھ افراد کو بستر کی چادر زیادہ جلدی بدلنے کی ضرورت ہوتی ہے۔

بالوں کو قبل از وقت سفید ہونے سے بچانے میں مددگار بہترین غذائیں

اکثر بالوں کی قبل از وقت سفیدی کسی غذائی جز کی کمی کا نتیجہ بھی ہوتی ہے۔

اس حوالے سے مختلف عناصر کو مدنظر رکھنا چاہیے جیسے الرجیز یا دمہ کے شکار افراد کو بستر کی چادر ہر 3 سے 4 دنوں میں بدل دینی چاہیے۔

اسی طرح جِلدی انفیکشن کا سامنا ہو تو بھی چادر کو چند دنوں بعد بدل دینا چاہیے۔

بہت زیادہ پسینے کا اخراج ہونے اور بستر پر کھانا کھانے پر بھی چادر کو 3 سے 4 دن بعد بدل دینا چاہیے۔

ہارٹ اٹیک کا شکار بنانے والی عام عادات اور وجوہات

ایسی عادات یا وجوہات موجود ہیں جو کسی فرد کو ہارٹ اٹیک کا شکار بنا سکتے ہیں۔

ماہرین کی جانب سے ہر ہفتے چادر کو بدلنے کا مشورہ دیا جاتا ہے اور ان کا کہنا ہے کہ اسے فوراً دھونا بھی ضروری ہے۔

چادر کو دھونے کے لیے گرم پانی کا استعمال کرنا چاہئے تاہم ایسا کرنے سے پہلے اس پر دیئے گئے لیبل پر ہدایات کو بھی ضرور دیکھ لیں۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔