06 اگست ، 2023 
ہوٹل اور ریسٹورنٹ مینیو میں کیلوریز کی تعداد لکھنے کے پابند ہوں گے، حکومتی مہم شروع
06 اگست ، 2023
حکومت پاکستان کی جانب سے ملک بھر میں صحت مند غذا کے فروغ کیلئے مہم کا آغاز کردیا گیا، اب سے ہوٹل اور ریسٹورنٹس اپنے کسٹمرز کو مینیو کی غذائی تفصیلات بتانے کے بھی پابند ہوں گے۔
وزیراعظم کے اسٹریٹجک ریفارمز انیشیئیٹو کی جانب سے "صحت مند غذا، تندرستی سدا" مہم کا آغاز کیا گیا ہے جس کے تحت ملک بھرکے 500 سے زائد ہوٹلوں اور ریسٹورنٹس کے مینیو میں ہر کھانے کے سامنے کیلوریز کی تعداد بھی لکھی جائے گی۔
حکومت کی جانب سے بازار میں دستیاب کھانوں میں پروٹینز، کاربوہائیڈریٹس، چکنائی اور دیگر غذائی اجزاء کی مقدار ظاہر کرنا بھی لازمی قرار دیا گیا ہے۔
اسٹریٹجک ریفارمز انیشیئیٹو کے سربراہ سلمان صوفی نے کہا کہ مہم کے ذریعے عوام کو صحت مند غذا کی افادیت سے متعلق آگاہی بھی فراہم کی جائے گی۔
